Google ADS

Xhaçka për vdekjen tragjike të 3 minatorëve: Do të bëjmë çdo gjë për familjet e tyre

11:55 | 29 Tetor 2020
Arbresh.info

Pas ngjarjes së rëndë ku 3 minatorë kanë humbur jetën në minierën e “ Balgjajt” në Selishtë ka reaguar edhe Ministrja e Mbrojtjes, Olta Xhaçka.

Në një postim në ‘Twitter’, Xhaçka i ka shprehur ngushëllimet familjarëve të minatorëve dhe premton se pavarësisht sfidave do bëhet çdo gjë për të ndihmuar familjet e tyre.

“Shumë dhimbje për familjet e minatorëve që humbën jetën në Selishtë. Në këtë moment tragjedie, me mendje e me zemër ju gjendemi pranë familjeve që lanë pas Fatos Çesku, Rushdi Rushiti e Ismail Hoxha.

Ngushëllimet më të sinqerta, edhe pse, as fjalët e as dhimbja që ndajmë me ta nuk kanë për t’ua kthyer të dashurit e tyre. Ky është një vit i vështirë që vijon të na sprovojë. Megjithatë, është detyrimi ynë që pavarësisht sfidave të bëjmë më shumë për minatorët e familjet e tyre”, shkruan Xhaçka në ‘Twitter’.

Shpërndaje në rrjete sociale

Lajmet më të lexuara

Të ngjashme

Foto lajm